Alþjóðlegi safnadagurinn á Íslandi

 

FÍSOS heldur uppá alþjóðlegi safnadagurinn  þann 18. maí 2019 nk. í samstarfi við ICOM á Íslandi. Markmið alþjóðlega safnadagsins er að kynna og efla safnastarf í heiminum.

Á hverju ári velur ICOM þema fyrir Alþjóðlega safnadaginn 18. maí og í ár yfirskrift dagsins:

„Söfn sem menningarmiðstöðvar: Framtíð hefðarinnar“.

Söfn um heim allan munu fagna Alþjóðlega safnadeginum þann 18. maí 2019 og dagana í kring. Þátttaka í Alþjóðlega safnadeginum fer vaxandi meðal safna um heim allan. Árið 2018 tóku yfir 40.000 söfn þátt í atburðinum í 158 löndum.

Íslandsdeild ICOM og FÍSOS hvetja söfn á Íslandi til að taka þátt í alþjóðlega safnadeginum út frá þemanu „Söfn sem menningarmiðstöðvar: Framtíð hefðarinnar.“ Félögin tvö munu i tilefni af deginum kynna safnastarf á Íslandi með öflugum hætti. Kynningin nýtist öllum söfnum enda verður vakin athygli á söfnum almennt með eftirfarandi hætti:

LESUM – Gefið verður út blað sem fylgir Fréttablaðinu,
HORFUM – Þriðja myndbandið í þríleiknum „Komdu á safn“  sem FÍSOS framleiðir verður frumsýnt.
HLUSTUM – Samlesnar auglýsingar
NOTUM MYLLUMERKIN! – Samfélagsmiðlar #Safnadagurinn #MuseumDay

Facebook síða FÍSOS https://www.facebook.com/groups/1392315794163867/

Facebook síða safnadagsins https://www.facebook.com/safnadagurinn/

Söfn eru hvött til að nýta sér samfélagsmiðla og kynna starfsemi sína þar. Hægt er að deila viðburðum á facebook síðum FÍSOS og safnadagsins.

Hlutverk safna í samfélaginu er að breytast. Söfn eru í stöðugri endurnýjun í viðleitni sinni til að verða gagnvirkari, áhorfendamiðaðri, samfélagslegri, sveigjanlegri, aðlögunarhæfari og hreyfanlegri stofnanir. Þau hafa breyst í menningarmiðstöðvar sem skapa umhverfi þar sem sköpunargleði er sameinuð þekkingu og þar sem gestir geta einnig skapað með öðrum, deilt og átt samskipti.

Um leið og söfnin hafa varðveitt meginhlutverk sitt, við að safna, varðveita, miðla, rannsaka og sýna, hafa þau gerbreytt starfsvenjum sínum til að vera áfram nær þeim samfélögum sem þau þjóna. Í dag leita þau eftir nýstárlegum leiðum til að takast á við félagsleg vandamál og átök samtímans. Með því að starfa á staðnum geta söfn einnig barist fyrir og dregið úr alþjóðlegum vandamálum og lagt sig fram um að mæta áskorunum nútímasamfélagsins að fyrra bragði. Sem stofnanir eru söfn í hjarta samfélagsins og geta þannig komið á samtali á milli menningarheima, byggt brýr fyrir heimsfrið og skilgreint sjálfbæra framtíð.

Söfn aðlagast hlutverki sínu sem menningarmiðstöðvar í auknum mæli og hafa einnig fundið nýjar leiðir til að heiðra safnmuni sína, söguna og arfleifð, og þannig skapað hefðir sem munu hafa nýja merkingu fyrir seinni kynslóðir og mikilvægi fyrir æ margbreytilegri samtímaviðtakendur á heimsvísu. Þessi umskipti, sem munu hafa djúpstæð áhrif á safnafræði og starfsvenjur, neyða okkur einnig til að endurskoða hvaða gildi söfn hafa og endurskoða þau siðfræðilegu mörk sem skilgreina sjálft eðli starfs okkar sem safnasérfræðinga.

Sýnileiki á samfélagsmiðlum

Í tilefni af safnadeginum voru söfn hvött til að vera virk á samfélagsmiðlum þar sem þau sýndu frá starfi sínu. Þátttakendur voru hvattir til að merka myndir og færslur með myllumerkinu #safnadagurinn og #MuseumDay  á instagram, twitter og facebook.

Söfn um allan heim

Alþjóðlegi safnadagurinn er haldinn ár hvert þann 18. maí af International Council of Museums (ICOM). Þátttakendur eru um 35.000 söfn í 140 löndum. Söfn um allan heim skipuleggja dagskrá þann dag, helgina eða jafnvel vikuna alla sem 18. maí ber upp á og hefur það verið gert öll árin síðan 1977.