12/09/2025

---

Stjórn FÍSOS – Félags íslenskra safna og safnafólks boðar hér með til aðalfundar félagsins miðvikudaginn 1. október 2025 kl. 12:00 á Hótel Selfossi.

Dagskrá aðalfundar:

1. Kosning fundarstjóra og fundarritara.
2. Skýrsla formanns um störf félagsins.
3. Ársreikningur félagsins.
4. Umræður um ársskýrslu og ársreikning og afgreiðsla reikninga.
5. Lagabreytingar
6. Kosning í stjórn og aðrar trúnaðarstöður.
   1. Kosning fimm manna stjórnar til tveggja ára í senn, formaður og meðstjórnandi annað árið en varaformaður, gjaldkeri og ritari hitt árið.
   2. Kosning tveggja varamanna til tveggja ára, eins varamanns annað árið en annars hitt árið.
   3. Kosning skoðunarmanns reikninga til tveggja ára, eins skoðunarmanns annað árið og annars skoðunarmanns hitt árið.
   4. Kosning farskólastjóra til eins árs.
7. Ákvörðun ársgjalds félagsmanna og stofnana.
8. Önnur mál.

Kosning stjórnar

Samkvæmt reglum félagsins skal kjósa í stjórn til tveggja ára í senn; formaður, meðstjórnandi og varamaður annað árið en varaformaður, gjaldkeri, ritari og varamaður hitt árið.

Að þessu sinni er óskað er eftir framboðum í stöður varaformanns, gjaldkera, ritara og varamanns. Þá er einnig óskað eftir framboði til skoðunarmanns reikninga.

Athygli er vakin á því að núverandi varaformaður gefur ekki kost á sér til áframhaldandi stjórnarsetu.

Áhugasöm geta lýst yfir framboði með því að senda tölvupóst á stjorn@safnmenn.is og þurfa framboð að hafa borist sjö dögum fyrir aðalfund.
Kjörgengi hafa þeir félagsmenn sem greitt hafa árgjald félagsins fyrir aðalfund eða eru heiðursfélagar.

Vægi atkvæða á fundum félagsins er einn félagsmaður, eitt atkvæði og ein stofnun, eitt atkvæði. Fer forsvarsmaður stofnunar með atkvæði hennar á fundum félagsins eða fulltrúi í umboði hans.

Bestu kveðjur frá stjórn FÍSOS,

Í stjórn félagsins 2024-2025 sitja:

Formaður: Kristín Halla Baldvinsdóttir, Þjóðminjasafni Íslands.
Varaformaður: Elsa Guðný Björgvinsdóttir, Minjasafn Austurlands.
Gjaldkeri: Hanna Rósa Sveinsdóttir, Minjasafnið á Akureyri.
Ritari: Þorvaldur Gröndal, Borgarsögusafn Reykjavíkur.
Meðstjórnandi: Ingibjörg Hannesdóttir, Listasafni Íslands.
Varamenn: Sigurlaugur Ingólfsson, Borgarsögusafn Reykjavíkur og
Cecilie Cedet Gaihede, Gerðarsafni.

 

 

 

---