FÍSOS

Fréttatilkynning – Framtíð safna á Íslandi: Eru söfn á stefnuskrá framboða?

Sveitarstjórnarkosningar 2018 og söfnin í landinu

Undanfarnar vikur hafa stjórnir FÍS, félag íslenskra safnafræðinga og FÍSOS, ásamt fagdeild safnamanna innan fræðagarðs, unnið að ályktun um stöðu safna í sveitarfélögum á Íslandi í tilefni af sveitarstjórnarkosningum nú í vor. Ályktun verður send flokkunum þann 6. apríl og fréttatilkynning á fjölmiðla í kjölfarið.

Þann 25. apríl kl. 16.00 bjóða bréfritarar til fundar með fulltrúum framboðanna í Borgartúni 6, 3. hæð i Reykjavík.

Stjórnir félaganna leita til félagsmanna til að koma ályktuninni til sem flestra frambjóðanda. Þeir sem hafa áhuga að taka þátt í þessu mikilvæga verkefni sendið póst á stjorn@safnmenn.is.

Nú er lag kæru félagar að efla sýnileika safna og opna enn frekar á umræðuna um mikilvægi þeirra líkt og félagsmenn hafa rætt á farskólum félagsins undanfarin ár.



Fréttatilkynning – Framtíð safna á Íslandi: Eru söfn á stefnuskrá flokka?
Félag íslenskra safna- og safnmanna (FÍSOS), Félag íslenskra safnafræðinga (FÍS) og fagdeild safnmanna innan Fræðagarðs hvetur til umræðu meðal frambjóðenda til sveitarstjórnakosninga 2018 um stöðu safna landsins. Sveitarfélög landsins reka flest a.m.k eina stofnun sem fellur undir safnalög. Ábyrgð sveitarfélaganna er því rík, bæði er varðar rekstur safna og framtíðarsýn í málaflokknum.

Söfn eru mikilvægur þáttur í samfélagsgerðinni á Íslandi, innan menningar- og efnahagslífs. Árlega sækja þau rúmlega 1.000.000 gestir á landsvísu. Söfn landsins safna, rannsaka og miðla menningararfinum og varðveita hann til framtíðar.

Félagsmenn FÍSOS, FÍS og fagdeildar Fræðagarðs hafa metnað fyrir faglegu safnastarfi á Íslandi. Framtíðarskipulag safna er félagsmönnum efst í huga. Þess vegna óska félagsmenn framboð og flokka um stefnu er viðkemur málefnum safna í þeirra sveitarfélagi.

Félögin hafa í sameiningu sent ályktun til þeirra einstaklinga og stjórnmálaflokka sem bjóða fram krafta sína í komandi sveitarstjórnarkosningum.

Óskað er eftir viðbrögðum við ályktuninni og þeim spurningum sem þar eru settar fram.

Félögin bjóða fulltrúum flokkanna á umræðufund 25. apríl 2018 kl. 16.00 í Borgartúni 6, 3. hæð, þar sem málefni safna verða til umfjöllunar.Léttar veitingar í boði.

Opið bréf til Byggðarráðs Skagafjarðar frá Félagi íslenskra safna og safnmanna. 16.03.2018.


Mynd - Hér tekin eftir heimasíðu Byggðasafns Skagafirðinga

Opið bréf til Byggðarráðs Skagafjarðar

Reykjavík 16. mars 2018.

Efni: Staða Byggðasafns Skagfirðinga.

Stjórn Félags íslenskra safna og safnmanna lýsir yfir áhyggjum af stöðu Byggðasafns Skagfirðinga þar sem nú ríkir óvissa um aðbúnað starfsfólks og varðveislu safngripa. Starf Byggðasafns Skagfirðinga hefur verið blómlegt og til fyrirmyndar í íslensku safnastarfi um langt skeið og hlaut Íslensku safnaverðlaunin árið 2016.

Byggðasafnið hefur sterkar rætur í samfélaginu enda hafa íbúar þess falið safninu menningarverðmæti til varðveislu frá 1948. Að eiga og reka safn er ekki skammtímaverkefni. Að varðveita menningarminjar sem íbúar sveitafélagsins hafa falið safninu að varðveita er ekki léttvægt verkefni.

Stjórn Félags íslenskra safna og safnmanna skorar á eigendur Byggðasafns Skagfirðinga að setja faglegt safnastarf ekki í uppnám og tryggja viðunandi aðstöðu fyrir safnkost, sýningar og starfsfólk Byggðasafns Skagfirðinga í samráði við það.

Með vinsemd og virðingu,

f.h. stjórnar FÍSOS,
Helga Maureen Gylfadóttir

Stjórn FÍSOS skipa:
Formaður: Helga Maureen Gylfadóttir
Varaformaður: Gunnþóra Halldórsdóttir
Gjaldkeri: Jón Allansson
Ritari: Ingibjörg Áskelsdóttir
Meðstjórnandi: Linda Ásdísardóttir
Varamenn: Haraldur Þór Egilsson og Hjörtur Þorbjörnsson

 

Eftirfarandi bréf er birt á heimasíðu FÍSOS sem og á samfélagsmiðlum félagsins.
Bréfið er einnig sent til fjölmiðla.

Farskóli 2018 – Lokadagur skráningar 28. febrúar 2018

Kæru safnmenn,

tíminn æðir áfram og nú er bara ein vika til stefnu fyrir þá sem eiga enn eftir að skrá sig á farskóla safnmanna í Dublin.

Lokað verður fyrir skráningu á miðnætti miðvikudag 28. febrúar.

Skráning fer fram á vefsíðu FÍSOS, sjá undir flipanum Farskóli.

Greiða þarf 35.000 kr. staðfestingargjald í síðasta lagi 1. mars á reikninginn 0301-26-074634 (kt. 441089-2529).

Staðfestingargjald fæst ekki endurgreitt. Munið að geta nafns ykkar í tilvísun.

Farskóli í Dublin 11. – 14. september 2018
Drög að dagskrá

11. september
Flug um morgun til Dublin.
Farið verður beint af flugvelli í hádegisverð á kastalaslóðir til Malahide og að því loknu verður útsýnisferð um Dublin.
Eftir að fólk hefur bókað sig inn á hótel um kl. 15 verða fyrstu söfnin heimsótt í hópum.
Um kvöldið getur fólk valið að fara í bókmennta- og pöbbagöngu í fylgd heimamanna eða ráða sér sjálft.

12. september
Safnaheimsóknir í hópum fyrir og eftir hádegi.
Gina O’Kelly, formaður The Irish Museums Association, mun halda erindi.
Í lok dags heimsækir allur hópurinn sýningu Guinness-verksmiðjunnar í Dublin.

13. september
Safnaheimsóknir fyrir hádegi í hópum.
Seinni partinn verður frjáls tími. Fólk er hvatt til að heimsækja söfn og sýningar að eigin vali.
Árshátíð og dansiball um kvöldið.

14. september
Heimför.

Dæmi um söfn sem verða heimsótt í ferðinni:

• The National Museum of Ireland (Archaeology, Natural History og Decorative Arts & History)
• The Tenement Museum
• GPO
• The National Gallery of Ireland
• Chester Beatty Library
• Kilmainham Gaol
• The Little Museum of Dublin
• Epic – the Irish Emigration Museum
• Irish Museum of Modern Art
• Photographic Archive
• The Book of Kells & Old Library
• Hugh Lane Gallery
…og mörg fleiri!

Kærar kveðjur,
Helga, Hlín og Þóra

Aðalfundarboð 2017

Stjórn FÍSOS – Félags íslenskra safna og safnmanna boðar hér með til aðalfundar miðvikudaginn 27. september 2017 kl. 13.30 á Kaffi Rauðku, Gránugötu 19, Siglufirði.

Dagskrá aðalfundar:

1. Kosning fundarstjóra og fundarritara.

2. Skýrsla stjórnar um störf félagsins.

3. Reikningar félagsins lagðir fram.

4. Lagabreytingar.

5. Ákveðið árgjald félagsmanna og stofnana.

6. Kosning í stjórn og aðrar trúnaðarstöður

  • kosið verður um stöðu varaformanns, gjaldkeri og ritari.
  • kosið verður um stöðu eins varamanns.
  • Kosning eins skoðunarmanns reikninga til tveggja ára.

8. Farskóli 2018.

9. Heiðursfélagar.

10. Önnur mál.

  • Safnablaðið Kvistur
  • Fyrirlestrarröð FÍSOS – næstu skref.
  • Safnadagurinn 18. maí – fyrirkomulag og frekari framhald.


Stjórn FÍSOS leggur til breytingar á lögum félagsins sem fylgja hér með í viðhengi. Félagsmenn eru hvattir til að kynna sér vel fyrirhugaðar breytingar.

Tillögur að lagabreytingum á lögum FÍSOS
Óskað er eftir framboðum til stjórnar í stöðu varaformanns, gjaldkera, ritara og varamanns. Áhugasamir geta lýst yfir framboði með því að senda tölvupóst á stjorn@safnmenn.is eða lýst yfir framboði á aðalfundi. Kjörgengi hafa þeir félagsmenn sem greitt hafa árgjald félagsins fyrir aðalfund eða eru heiðursfélagar.

Listasafn Reykjanesbæjar

Listasafn Reykjanesbæjar“Dýrin mín stór og smá” er yfirskrift 12. Listahátíðar barna í Reykjanesbæ sem nú stendur sem hæst. Hátíðin er samstarfsverkefni Listasafns Reykjanesbæjar, allra 10 leikskólanna, allra 6 grunnskólanna, Tónlistarskóla Reykjanesbæjar og dansskólanna.

Það er gríðarlega fjölbreytt dýralíf í húsunum um þessar mundir og hvetjum við alla sem vettlingi geta valdið að líta við hjá okkur á þessar frábæru sýningar sem vekja mikla hrifningu jafnt hjá börnum sem fullorðnum.

Sýningarnar standa til 21. maí. Opið er alla daga frá kl. 12 – 17 og er aðgangur ókeypis.

Náttúrufræðistofa Kópavogs

Geirfugl_low_resÁrið 1844 veiddu Íslendingar síðustu geirfuglana og útrýmdu þar með tegundinni. Náttúrufræðistofa Kópavogs tekur þátt í alþjóðlega safnadeginum 2017 og vinnur með þema dagsins, söfn og erfiðar sögur, með því að vekja athygli á örlögum geirfuglsins með uppsetningu í anddyri safnsins. Geirfuglinn var eitt sinn var útbreiddur við Norður-Atlantshaf, en laut endanlega í lægra haldi fyrir gegndarlausri ofveiði og söfnunaráráttu mannsins. Varpað er fram spurningum varðandi umgengni og viðhorf okkar til náttúrunnar nú á tímum, þegar framboð af upplýsingum hefur aldrei verið meira og aðgengi að þeim aldrei greiðara.

Heimasíða Náttúrufræðastofu Kópavogs

Gljúfrasteinn

 

GljúfrasteinnViltu gægjast inn um stofuskápana hjá Auði og Halldóri? Gljúfrasteinn tekur þátt í alþjóðlega safnadeginum 18. maí með því að færa heimilið úr klæðum safnsins þegar degi fer að halla og hleypa þannig gestum enn nær heimilislífinu en gert er aðra safndaga ársins.

Tónlist á fóninum, skápar opnaðir og munir dregnir fram, túrkísbláar flísar baðherbergisins fá að njóta sín fyrir opnum dyrum, Mosfellsdalurinn séður frá svölum skáldsins, þá verður eldhúsinu flíkað alþýðlega og loks gera starfsmenn hreint fyrir sínum dyrum.

Gljúfrasteinn verður opinn frá 10-22 á safnadaginn og dagskráin hefst kl. 18.

Heimasíða Gljúfrasteins

Minjasafn Austurlands

Minningar um torfhús
– Ljósmyndasýning Söndu Coullenot

Í tilefni alþjóðlega safnadagsins býður Minjasafn Austurlands gestum og gangandi að skoða sýninguna Minningar um torfhús sem nú stendur yfis í Safnahúsinu Á sýningunni eru 25 ljósmyndir sem franski fornleifafræðingurinn Sandra Coullenot hefur tekið af gömlum byggingum vítt og breitt um Ísland. Markmiðið sýningarinnar er að vekja upp minningar og hugrenningar tengdar torfhúsum. Sérstakur minningakassi er á sýningunni og eru gestir hvattir til að skrifa hugleiðingar sínar á blað og stinga í kassann, hvort sem um er að ræða góðar minningar eða sögur sem ekki má segja. Nánari upplýsingar um sýninguna má finna hér: http://www.minjasafn.is/syningar/yfirstandandi-sersyningar

Einnig gefst gestum kostur á að skoða grunnsýningar safnsins sem eru tvær. Önnur sýningin nefnist Sjálfbær eining en yfirskrift hennar vísar til þess að áður fyrr þurfti hvert íslenskt sveitaheimili að vera sjálfu sér nægt um brýnustu lífsnauðsynjar. Hin sýningin ber heitið Hreindýrin á Austurlandi og fjallar um tengsl hreindýranna við náttúru, sögu og menningu Austurlands. Nánari upplýsingar um grunnsýningar safnsins má finna hér: http://www.minjasafn.is/syningar/grunnsyningar

Frítt er inn á sýningar safnsins í tilefni dagsins.
Opnunartími er frá 11:00-16:00

www.minjasafn.isMinningar um torfhús

Heimilisiðnaðarsafnið á Blönduósi

ThjódbúningurÍ tilefni alþjóðlega safnadagsins þann 18. maí n.k. verður Heimilisiðnaðarsafnið opið sunnudaginn 21. maí frá kl. 13:00 til 17:00 –

Sérstök athygli er vakin á Sumarsýningu safnsins 2016 eftir Önnu Þóru Karlsdóttur, sem ber heitið “Vinjar” og allra síðustu forvöð að sjá hana.
Eins og venja er til fá gestir leiðsögn um safnið eftir því sem hver vill.

Heimasíða Heimilisiðnaðarsafnsins

Byggðasafn Árnesinga á Eyrarbakka

Í tilefni af safnadeginum 18. maí býður safnið gestum uppá á hádegisleiðsögn. Síðdegis verður Beitningaskúrinn opinn þar sem sýnd verða handbrögðin við
beitingu.

Hádegisleiðsögnin í umsjón Þorsteins Tryggva Mássonar héraðsskjalavarðar
verður í Húsinu á sýninguna Á því herrans ári  og hefst kl. 12.00. Á
sýningunni sem er samstarfsverkefni Héraðsskjalasafns Árnesinga og
Byggðasafns Árnesinga er varpað nýju ljósi á myntsafn Helga Ívarssonar frá
Hólum. Aðgangur ókeypis á leiðsögn.

Í Beitingaskúrnum við sjógarðinn verður beitt í bala frá 17.00 – 19.00. Þá
gefst gestum bæði færi á að sjá vana menn þá Siggeir Ingólfsson og Björn
Inga  Bjarnason að störfum sem og skoða sjálfan skúrinn. Léttar veitingar  í
boð og aðgangur ókeypis.

Heimasíða Byggðasafns Árnesinga
OLYMPUS DIGITAL CAMERA

Þjóðminjasafn Íslands

Ísland í heiminum, heimurinn í Íslandi

Saga og samtími Íslands hefur einkennst af þverþjóðlegum tengslum rétt eins og annarra landa í heiminum. Ísland hefur þannig verið vettvangur hreyfanleika fólks og hugmynda í gegnum aldir. Þetta er mikilvægt að undirstrika á tímum þegar dagleg umræða byggir oft á þeirri hugmynd að fyrr á öldum hafi ólíkir hlutar heimsins verið einangraðir hverjir frá öðrum. Fordómar í íslensku samfélagi eru ekki heldur nýir því að Íslendingar hafa um aldir verið mótaðir af hnattrænum hugmyndum um kynþáttafordóma.

Sunnudaginn 21. maí kl. 14 mun Kristín Loftsdóttir prófessor í mannfræði vera með leiðsögn um sýninguna Ísland í heiminum, heimurinn í Íslandi.
Kristín mun leggja áherslu á kynþáttafordóma og þjóðarímynd í leiðsögninni.
Sýningin er unnin í samstarfi við Háskóla Íslands og stendur yfir til 29.10.2017.

Heimasíða Þjóðminjasafns Íslands

Ísland-í-umheiminum-23

Listasafn Íslands

PyroglyphsYfirskrift alþjóðlega safnadagsins, 18. maí, er söfn og umdeild saga:

Að segja það sem ekki má segja í söfnum

Í tilefni af alþjóðlega safnadeginum 2017, og yfirskrift hans, býður
Listasafn Íslands gestum sínum að njóta frásagnar eins fremsta
listamanns landsins; STEINU (Steina Briem Bjarnadóttir Vasulka, f.1940),
um vídeóinnsetningu hennar  ELDRÚNIR  sem sýnd er í safninu um þessar
mundir.

Hér er hægt að lesa um Eldrúnir 

Fimmtudaginn 18. maí kl.16:30 munu Hildur og Kristín Bjarnadætur, systur
Steinu og Kristín Scheving, deildarstjóri Vasulka-stofu ræða við
Steinu um verk hennar og um Vasulka-stofu; sérdeild innan Listasafns
Íslands, sem stofnuð var árið 2014 og er starfrækt sem sýninga- og
rannsóknarými á neðri hæð safnbyggingar Listasafns Íslands.

Auk þess að bjóða gestum til samræðu við Steinu um list hennar vill
Listasafn Íslands beina athygli gesta sérstaklega að verki WOODY
VASULKA, eiginmanns og samverkamanns Steinu, sem sýnt er í Vasulka-stofu
um þessar mundir og ber heitið  ART OF MEMORY.

Vídeóverkið  Art of Memory frá árinu 1987 á í beinni samræðu við
yfirskrift og áherslu alþjóðlega safnadagsins en í því staðsetur
listamaðurinn sálrænt áfall sögu 20. aldar í kvikmyndum af
ofbeldisverkum, þar á meðal eru spænska borgarastyrjöldin, rússneska
byltingin, seinni heimsstyrjöldin og tilkoma kjarnorkusprengjunnar. Undir
yfirgnæfandi vængjaðri veru samviskunnar virðast sagan og minningin
grátt leiknar af sögunni og myndrænum minningum. Í hrífandi
sambræðslu stríðstóla og véla sögunnar og fjölmiðla tekst Vasulka
að byggja upp napurt og að endingu átakanlega harmrænt
minningaleikhús.

Art of Memory er mikilfenglegt verk, frumleg og þroskuð framsetning á
rannsókn Vasulka á merkingu skrásettra mynda. Með því að byggja upp
reimleikaleikhús minninga úr sjónarspili kvikmynda og rafrænna mynda,
fellir Vasulka saman og umbreytir sameiginlegu minni og sögu í torræðu
rými og tíma. Hið stórfenglega landslag suðvesturríkja Bandaríkjanna
er goðsagnakenndur vettvangur sem hann greypir í fréttakvikmyndir úr
stríðinu — draugalegar myndir sem verða að sveigjanlegum,
skúlptúrískum formum fyrir tilstilli stöðugra rafrænna ummyndana.

Opið er í safninu frá 10 – 17

Frítt inn í tilefni alþjóðlega safnadagsins.

Sagnheimar í Vestmannaeyjum

Saga og súpa í Sagnheimum, byggðasafni, fimmtudaginn 18. maí kl. 12-13 

Fyrirfundnir fémunir í Vestmannaeyjum á fjórða áratug 19. aldar

Már Jónsson prófessor í sagnfræði við Háskóla Íslands kynnir áður ónýttar heimildir um brauðstrit fólks á örðugum tímum sem fjallað er um í bók hans Fyrirfundnir fémunir í Vestmannaeyjum á fjórða áratug 19. aldar.

Viðburðurinn er ókeypis og allir hjartanlega velkomnir.

sagnheimar.is

Fyrirfundnir fémunir í Vestmannaeyjum

Sjóminjasafnið í Reykjavík

Leiðsögn um borð í varðskipinu Óðni – 18. maí kl. 12.00-12.40

Í tilefni af Safnadeginum 18. maí sem haldinn er hátíðlegur á söfnum  víða um heim verður boðið upp á fría leiðsögn um borð í varðskipinu Óðni. Sérfræðingur safnsins fjallar um lífið um borð í skipum sem þessum, sem gat bæði verið ánægjulegt en að sama skapi oft erfitt og ógnvekjandi.

Leiðsögumaðurinn tekur á móti hópnum í anddyri Sjóminjasafnsins kl. 12 og þaðan er haldið um borð í Óðin.

Leiðsögnin er gestum að kostnaðarlausu og fer fram á íslensku.

Upplýsingar um viðburðinn á heimasíðu safnsins má finna hér. 

vardskip_xa

Landnámssýningin

Mansal á landnámsöld – leiðsögn – 18. maí kl. 12:00-12:40.

Í tilefni af Safnadeginum 18. maí sem haldinn er hátíðlegur á söfnum víða um heim verður boðið upp á hádegisleiðsögn á Landnámssýningunni sem fjallar um þrælahald á Íslandi á tímum landnámsmanna sem í þá daga var bæði algengt og leyfilegt.  Jón Páll Björnsson sérfræðingur á Borgarsögusafni fer með leiðsögnina og eru allir velkomnir.

Ókeypis er inn á sýninguna á meðan á leiðsögn stendur.

Upplýsingar um viðburðinn á heimasíðu safnsins má finna hér.

 

Museum Night 0026 © Roman Gerasymenko

Árbæjarsafn

Sérfræðingaspjall um  val og forvörslu á sýningargripum  – 18. maí kl. 12:15-13:00

Sérfræðingar á Árbæjarsafni tekur  á móti gestum í sjóminjageymslu safnsins og fræðir þá um valda muni sem notaðir verða á nýrri sýningu í Sjóminjasafninu í Reykjavík sem opnuð verður um mitt ár 2018 og er afar metnaðarfull. Hollenska fyrirtækið KOSSMAN.DEJONG og valið teymi starfsmanna Borgarsögusafns standa að gerð sýningarinnar. Það eru mörg handtökin við undirbúning svo stórrar sýningar og eitt af því er að hreinsa og forverja sýningargripi sem gestir verða fræddir í allan sannleik um. Þetta er einstakt tækifæri til þess að forvitnast um val á safngripum sem notaðir eru á sýningum og spjalla við sérfræðinga safnsins.

Tekið verður á móti gestum í miðasölu safnsins kl. 12:15 og þaðan verður haldið í munageymsluna.

Upplýsingar um viðburðinn á heimasíðu safnsins má finna hér. 

IMG_1064

Aðalfundarboð

Stjórn Félags íslenskra safna og safnmanna (FÍSOS) boðar hér með til aðalfundar þann 14. September næstkomandi kl. 13:30. Fundurinn verður haldinn í Hljómahöll, Reykjanesbæ.

Dagskrá Aðalfundar:

  1. Kosning fundarstjóra og fundarritara.
  2. Skýrsla formanns um störf félagsins. Skýrðir reikningar félagsins. Umræður um þessa liði og afgreiðsla þeirra.
  3. Kosning í stjórn og aðrar trúnaðarstöður.
    • Kosið verður um stöðu formanns og meðstjórnanda.
    • Kosið verður um stöðu eins varamanns.
    • Kosning eins skoðunarmanns reikninga til tveggja ára.
    • Kosning farskólastjóra til eins árs.
  4. Ákveðið árgjald félagsmanna og stofnana.
    • Stjórn félagsins leggur til hækkun á árgjaldi félagsmanna um 2000 kr að því gefnu að tillaga þess um Safnablaðið Kvist verði samþykkt.
  5. Önnur mál.
    • Stjórn félagsins leggur til að FÍSOS taki yfir rekstur og útgáfu safnablaðsins Kvists.

Óskað er eftir framboðum til stjórnar í stöðu formanns, meðstjórnanda og varamanns. Áhugasamir geta lýst yfir framboði með því að senda tölvupóst á bergsveinnth@gmail.com eða lýst yfir framboði á aðalfundi. Kjörgengi hafa þeir félagsmenn sem greitt hafa árgjald félagsins fyrir aðalfund eða eru heiðursfélagar.

Rökstuðningur stjórnar fyrir því að FÍSOS taki yfir rekstur og útgáfu Kvists

Stjórn Físos telur að áframhaldandi útgáfa blaðsins sé íslensku safnastarfi til framdráttar og gæti þar að auki nýst til að auka sýnileika félagsins og efla starf þess. Ef félagið tæki rekstur blaðsins að sér væri hægt að tengja útgáfu þess betur við starfsemi félagsins. Auk þess að vera frábær vettvangur fyrir umfjöllun um söfn og safnatengda starfsemi er blaðið ekki síður kynning fyrir íslenskt safnastarf.

Ritstjórn Safnablaðsins Kvists óskaði eftir því fyrr á þessu ári að FÍSOS tæki yfir rekstur og útgáfu blaðsins. Útgáfa blaðsins er fjármögnuð að mestu með verkefnastyrk úr Safnasjóði en einnig með áskrift, styrktarlínum  og auglýsingatekjum.

Rekstur og útgáfa safnablaðsins Kvists fylgir skuldbinding að standa að útgáfu blaðsins í ákveðinn tíma. Fyrirhugað er að gefa út eitt tölublað á ári, ef tillaga stjórnar verður samþykkt er það ennfremur lagt til að félagsgjöld hækki um 2000 krónur og eintak af safnablaðinu fylgi því félagsaðild.

Hugarflug um safnfræðslu

NAME-mynd

Verið velkomin á hugarflug um safnfræðslu þriðjudaginn 13. september kl. 17 í Gerðarsafni, Hamraborg 4 í Kópavogi. Viðburðurinn er tækifæri fyrir safnkennara og sérfræðinga fræðslu á söfnum og menningarstofnunum að kynnast og ræða hugmyndir, verkefni og áherslur í safnfræðslu.

Á viðburðinum verða verðlaunuð fræðsluverkefni frá Norðurlöndunum kynnt og boðið upp á sjónleiðsögn um sýningarnar SKÚLPTÚR / SKÚLPTÚR í Gerðarsafni. Að leiðsögn lokinni fara fram umræður og hugarflug þar sem þátttakendum gefst færi á að ræða eigin verkefni, finna sameiginlegar lausnir og skiptast á hugmyndum. Á meðan á umræðum stendur er boðið upp á léttan kvöldverð í Garðskálanum á neðri hæð Gerðarsafns.

Viðburðurinn fer fram á ensku þar sem verða þátttakendur frá Svíþjóð, Danmörku, Finnlandi og Noregi. Þátttaka er gjaldfrjáls. Takmarkaður fjöldi kemst að á viðburðinn og er tekið við skráningum á netfangið brynjas@kopavogur.is til miðvikudagsins 7. september.

Viðburðurinn er í boði samtakanna NAME (Nordic Association for Museum Education), sem er norrænt tengslanet fyrir starfsmenn og sérfræðinga fræðslu á söfnum og menningarstofnunum. NAME samanstendur af fimm norrænum félögum: FÍSOS (Ísland), SFF (Noregur), FUISM (Svíþjóð), Pedaali (Finnland) og MiD (Danmörk). Markmið NAME er að efla tengsl starfsmanna á sviði fræðslu og veita meðlimum félaganna tækifæri til að miðla eigin þekkingu og læra af reynslu samstarfsmanna á Norðurlöndunum. Tengslanetið vinnur að því að búa til vettvang þar sem hægt er að byggja upp samstarfsverkefni og auka samskipti á milli landa. Þar að auki getur öflugt tengslanet vakið athygli á safnfræðslu og mikilvægi þess í starfi safna og menningastofnanna.

Byggðasafn Skagfirðinga fær safnaverðlaunin

Byggðasafn Skagfirðinga hlaut íslensku safnaverðlaunin 2016. Voru þau afhent við hátíðlegt tilefni á Bessastöðum 13. júlí síðastliðinn. FÍSOS óskar byggðasafninu til hamingju með verðlaunin!

Fulltrúar Byggðasafns Skagfirðinga taka hér við íslensku safnaverðlaununum 2016

Fulltrúar Byggðasafns Skagfirðinga taka hér við íslensku safnaverðlaununum 2016

Í rökstuðningi dómnefndar segir um Byggðasafn Skagfirðinga

Starf­semi Byggðasafns Skag­f­irðinga er fjölþætt og metnaðarfull. Þar er fag­mann­lega að verki staðið og hver þátt­ur fag­legs safn­a­starfs unn­inn í sam­ræmi við staðfesta stefnu og starfs­áætlan­ir.

Í safn­inu er ríku­leg­ur safn­kost­ur sem safn­ast hef­ur allt frá stofn­un þess árið 1952 og um þess­ar mund­ir beita starfs­menn aðferðum við söfn­un, skrán­ingu, rann­sókn­ir og miðlun sem mæta kröf­um sam­tím­ans um safn­störf. Byggðasafnið legg­ur áherslu á að rækta sam­starf við stofn­an­ir og fyr­ir­tæki heima og heim­an. Sú sam­vinna og samþætt­ing skip­ar safn­inu í flokk með fremstu safna á Íslandi í dag.

Öflug­ar og sér­hæfðar rann­sókn­ir safns­ins varpa ljósi á mannauð sem það býr yfir og sýna fram á hvers byggðasöfn eru megn­ug þegar þau hafa náð viður­kennd­um sessi. Í safn­inu fara fram rann­sókn­ir á safn­kost­in­um auk víðtækra forn­leifa­rann­sókna í héraðinu, oft í alþjóðlegu sam­starfi. Skrán­ing, kennsla og rann­sókn­ir á starfs­sviði safns­ins hafa enn frek­ar víkkað út starfs­svið safns­ins og birt­ast m.a. í gegn­um Forn­verka­skól­ann og bygg­ing­ar­sögu­rann­sókn­ir. Gefn­ar eru út rann­sókna­skýrsl­ur og sýn­inga­skrár sem eru jafn­framt aðgengi­leg­ar í gagna­banka á vefsíðu safns­ins.

Starf­semi safns­ins nær langt út fyr­ir eig­in­lega staðsetn­ingu þess. Sýn­ing­ar þess eru víðar um héraðið en í höfuðstöðvun­um að Glaum­bæ, s.s. sýn­ing­in í Minja­hús­inu á Sauðár­króki og aðal­sýn­ing í Vest­urfara­setr­inu á Hofsósi, sem einnig er dæmi um sam­starfs­verk­efni und­ir und­ir fag­legri hand­leiðslu byggðasafns­ins. Sam­starf við skóla, upp­eld­is­stofn­an­ir og fyr­ir­tæki í ferðaþjón­ustu, sem og sam­starf í miðlun og sýn­inga­gerð sýn­ir hvernig safn get­ur aukið fag­mennsku í sýn­inga­gerð, ferðaþjón­ustu og miðlun menn­ing­ar­arfs.

Safnið hef­ur á að skipa hæfu starfs­fólki sem með vök­ul­um áhuga og metnaði hef­ur tek­ist  að skipa safn­inu í flokk með þeim fremstu sinn­ar teg­und­ar á Íslandi.

Norrænt samstarf á sviði safnfræðslu

Félag íslenskra safna og safnmanna (FÍSOS) tekur þátt í norrænu samstarfsneti undir heitinu NAME (Nordic Associations of Museum Education). Á síðasta ári var gefið út rit um safnfræðslu á norðurlöndunum, þar sem vel heppnuð verkefni frá hverju landi voru útlistuð. Um er að ræða “praktíska handbók” sem hugsuð var til hagnýtingar fyrir alla starfsmenn á sviði safnfræðslu.

13450076_522451994618139_7669507359963485280_n

Fulltrúar FÍSOS sóttu fund með öllum fulltrúum tengslanetsins í Kaupmannahöfn þann 21. júní síðastliðinn. Þar var verið að ræða áframhaldandi samstarf og hvernig efla megi starf tengslanetsins. NAME fékk styrk til að skipuleggja viðburði næsta vetur og fyrirhugað er að halda einn hér á landi í september. Nánari upplýsingar um það þegar nær dregur!

Þar að auki var rætt um tilurð og tilgang NAME. Hvers er að vænta af samstarfi sem þessu? Norrænt tengslanet á sviði safnfræðslu er mikilvægt m.a. til þess að víkka sjóndeildarhring starfsmanna íslenskra safna. Við eigum margt sameiginlegt með norrænum kollegum okkar, með öflugu tengslaneti gefst tækifæri til að miðla eigin þekkingu og læra af reynslu annarra norrænna starfsmanna á sviði safnfræðslu.

Hluti af því að byggja upp öflugt tengslanet er að heyra hvað félagar FÍSOS sjá fyrir sér með samstarfi sem þessu. Hvað vilja félagsmenn fá út úr samstarfi sem þessu? Allar ábendingar, hugmyndir og vangaveltur eru vel þegnar! Áhugasamir eru beðnir um að senda línu á hina íslensku NAME fulltrúa.

Fulltrúar FÍSOS í tengslanetinu eru Brynja Sveinsdóttir, Gerðarsafni, og Bergsveinn Þórsson, formaður FÍSOS.

Rekstur og útgáfa safnablaðsins Kvists á vegum FÍSOS?

Stjórn FÍSOS hefur borist beiðni þess efnis að taka yfir útgáfu safnablaðsins Kvists,

Safnablaðið Kvistur er tímarit um safnamál á Íslandi. Það hefur komið út tvisvar og hlotið góðar viðtökur.

Stjórn Físos telur að áframhaldandi útgáfa blaðsins sé íslensku safnastarfi til framdráttar og gæti þar að auki nýst til að auka sýnileika félagsins og efla starf þess. Með breytingunni væri hægt að tengja útgáfu þess betur við starfsemi félagsins, en auk þess að vera frábær vettvangur fyrir umfjöllun um söfn og safnatengda starfsemi er blaðið ekki síður kynning fyrir íslenskt safnastarf.

Ritstjórn Safnablaðsins Kvists óskaði eftir því fyrr á þessu ári að FÍSOS tæki yfir rekstur og útgáfu blaðsins. Útgáfa blaðsins er fjármögnuð að mestu með verkefnastyrk úr Safnasjóði en einnig með áskrift, styrktarlínum  og auglýsingatekjum. Erlendis er útgáfa slíkra tímarita oftar en ekki í höndum félaga safnafólks.

Rekstur og útgáfa safnablaðsins Kvists fylgir skuldbinding að standa að útgáfu blaðsins í ákveðinn tíma. Fyrirhugað er að gefa út eitt tölublað á ári, en áskrift gæti verið tengd félagsaðild (með tilheyrandi hækkun á árgjaldi).

Stjórn FÍSOS hefur tekið vel í þessa beiðni og hefur fundað með fulltrúum safnablaðsins um málið. Búast má við því að ákvörðunin verði lögð til samþykktar á næsta aðalfundi félagsins.

Stjórn FÍSOS óskar eftir viðbrögðum, hugmyndum og öðrum vangaveltum, í tengslum við hugsanlega ,,yfirtöku“.  Sendist á bergsveinnth@gmail.com

 

 

Fyrirlestur FÍSOS: Styrkjaáætlun Creative Europe

Þann 26. maí var Ragnhildur Zoega með erindi í fyrirlestrasal Safnahússins við Hverfisgötu 15, 101 Reykjavík kl.12-13.

Möguleikar í evrópsku samstarfi

Ragnhildur Zoega verkefnastjóri Rannsóknarmiðstöð Íslands-Rannís kynnti þá flokka til styrkumsókna, sem söfn og safnafólk geta nýtt sér innan Creative Europe, evrópsku menningaráætlunarinnar. Með fylgjandi er Dummy umsókn og linkur á ýmis verkefni , veitta styrki og fleira, innan styrkjaáætlunarinnar.

Íslensku safnaverðlaunin 2016

Tilnefningar til íslensku safnaverðlaunanna

Tilkynnt var um tilnefningar til Safnaverðlaunanna 2016 í tilefni af Alþjóðlega safnadeginum á Íslandi, 18. maí í Safnahúsinu við Hverfisgötu. Íslensku safnaverðlaunin er viðurkenning veitt annað hvert ár íslensku safni fyrir framúrskarandi starfsemi.

TILNEFNINGAR DÓMNEFNDAR Í STAFRÓFSRÖÐ:

Byggðasafn Skagfirðinga

Starfsemi Byggðasafns Skagfirðinga er fjölþætt og metnaðarfull. Þar er fagmannlega að verki staðið og hver þáttur faglegs safnastarfs unninn í samræmi við staðfesta stefnu og starfsáætlanir.

Í safninu er ríkulegur safnkostur sem safnast hefur allt frá stofnun þess árið 1952 og um þessar mundir beita starfsmenn aðferðum við söfnun, skráningu, rannsóknir og miðlun sem mæta kröfum samtímans um safnstörf. Byggðasafnið leggur áherslu á að rækta samstarf við stofnanir og fyrirtæki heima og heiman. Sú samvinna og samþætting skipar safninu í flokk með fremstu safna á Íslandi í dag.

Öflugar og sérhæfðar rannsóknir safnsins varpa ljósi á mannauð sem það býr yfir og sýna fram á hvers byggðasöfn eru megnug þegar þau hafa náð viðurkenndum sessi. Í safninu fara fram rannsóknir á safnkostinum auk víðtækra fornleifarannsókna í héraðinu, oft í alþjóðlegu samstarfi. Skráning, kennsla og rannsóknir á starfssviði safnsins hafa enn frekar víkkað út starfssvið safnsins og birtast m.a. í gegnum Fornverkaskólann og byggingarsögurannsóknir. Gefnar eru út rannsóknaskýrslur og sýningaskrár sem eru jafnframt aðgengilegar í gagnabanka á vefsíðu safnsins.

Starfsemi safnsins nær langt út fyrir eiginlega staðsetningu þess. Sýningar þess eru víðar um héraðið en í höfuðstöðvunum að Glaumbæ, s.s. sýningin í Minjahúsinu á Sauðárkróki og aðalsýning í Vesturfarasetrinu á Hofsósi, sem einnig er dæmi um samstarfsverkefni undir undir faglegri handleiðslu byggðasafnsins. Samstarf við skóla, uppeldisstofnanir og fyrirtæki í ferðaþjónustu, sem og samstarf í miðlun og sýningagerð sýnir hvernig safn getur aukið fagmennsku í sýningagerð, ferðaþjónustu og miðlun menningararfs.

Safnið hefur á að skipa hæfu starfsfólki sem með vökulum áhuga og metnaði hefur tekist að skipa safninu í flokk með þeim fremstu sinnar tegundar á Íslandi.

Listasafn Reykjavíkur – Ásmundarsafn

Ásmundur Sveinsson var einn frumkvöðla höggmyndalistar á Íslandi. Honum auðnaðist löng og starfssöm ævi og eftir hann eru listaverk, sem hann tryggði örugga framtíð með því að ánafna þeim Reykjavíkurborg eftir lát sitt, ásamt eintöku húsi sínu við Sigtún í Reykjavík.

Við stofnun safnsins árið 1983 var strax ákveðið að stefna þess yrði að leggja áherslu á að halda á lofti verkum listamannsins og gildum. Það er gert með því að tengja þau strauma og stefnum líðandi stundar í samspili við verk valinna, ungra listamanna.

Í Ásmundarsafni hefur síðustu misseri tekist einkar vel að halda uppi lifandi samræðu bæði við listasöguna jafnt og samtímann með vel skipulagðri sýningarstefnu. Valin eru til sýningar verk starfandi listamanna eða þeim boðið að gera ný verk og þau sett í samhengi við safnkostinn og vinnuaðferðir Ásmundar með vel útfærðri sýn sýningarstjóranna. Þannig er sýn okkar á verk þessa mikla meistara endurnýjuð með reglulegu millibili, sem um leið varpar nýju ljósi á íslenska listasögu og túlkun okkar á henni. Þannig sýnir safnið hvernig mögulegt er halda safnkosti í stöðugri endurskoðun með því að velta upp nýjum flötum og skoðunum frá ólíkum sjónarhornum virkra listamanna í samtímanum. Þá hafa verið gefin út rit og bækur um list og persónusögu Ásmundar og lögð er áhersla á útgáfu fræðsluefnis, sem tryggir miðlun á stórmerkum arfi listamannsins

Ásmundarsafn er einmenningssafn, sem skarar fram úr á landsvísu. Aðferðir sem hafðar eru að leiðarljósi í starfi safnsins sýna að vel hefur tekist að glæða safnið og halda markvisst á lofti minningu og listsköpun merks myndhöggvara, sem markaði spor með listsköpun sinni og mun áfram gera það í gegnum metnaðarfulla starfsemi safnsins.

Sjónarhorn

Sýningin Sjónarhorn í Safnahúsinu við Hverfisgötu er samstarfsverkefni Þjóðminjasafns Íslands, Listasafns Íslands, Náttúruminjasafns Íslands, Stofnunar Árna Magnússonar í íslenskum fræðum, Landsbókasafns Íslands – Háskólabókasafns og Þjóðskjalasafns Íslands. Samstarfið markar tímamót í safnastarfi á Íslandi, en afar vel hefur tekist að leiða saman þessar ólíku stofnanir í því markmiði að miðla sjónrænum menningararfi þjóðarinnar. Þá heiðrar sýningin Safnahúsið sjálft á viðeigandi hátt, sem upphaflega var byggt til að varðveita og miðla menningarminjum úr ólíkum áttum.

Sjónarhorn býður gestum í leiðangur um íslenskan myndheim frá fortíð til nútíðar. Sýningin státar af forngripum, handverki, náttúruminjum, listaverkum, handritum, hönnun og ýmiss konar skjölum, sem saman mynda marglaga sýn. Þessi nálgun hvetur áhorfandann til að velja sér sitt sjónarhorn um leið og honum er ljóst að ekki er til neitt eitt réttmætt sjónahorn. Þá eru það nýmæli hér á landi að menningararfur á svo á víðtæku tímabili sé skoðaður með sjóngleri listasögunnar og hins fagurfræðilega, en í því tilliti er sýningin endurskoðun á þröngri túlkun muna af því tagi sem á henni er til sýnis. Þannig færir sýningin okkur nýjar menningarlegar víddir og viðmið sem beitir annarskonar lestri á sögunni og skilar jafnvel nýjum skilningi á menningarsögu okkar.

Sýningarstjórnun er afar vönduð og byggir á heildstæðri og ígrundaðri afstöðu til safnkostar allra hlutaðeigandi stofnana. Unnið út fyrir hefðbundin flokkunarkerfi safna, sem brotin eru niður og gripir látnir tala sínu máli í krafti sjónrænna áhrifa fremur en eðliseiginleikum eða tegundum. Þá ríkir skýr meðvitund um að sú nálgun sem hér er beitt taki mið af því áður hefur verið gert á safnasviðinu, og að á sama tíma sé hún lituð af þeim samtíma sem sýningin sprettur úr. Sýningin er þannig í áhugaverðu samtali við sögu og hlutverk safna í samtímanum, sem gerir áhorfandann um leið meðvitaðan um vald safnastofnana og sýningastjórans sjálfs til að hafa áhrif á sjálfsímynd þjóða. Þá fellur hönnun sýningarinnar fullkomlega að þessu markmiði og minnir á furðustofur endurreisnarinnar (e. cabinets of curiosity), þar sem ólíkum gripum ægir saman og ekki er gerður stigveldismunur á náttúruminjum, menningarminjum og listaverkum.

Mjög ítarleg leiðsögn fylgir sýningunni, hvort sem er á vef, í hljóðleiðsögn eða smáforriti fyrir síma, og þannig er nútíma safnatækni vel nýtt. Upplýsingar á vef er auðvelt að finna og hægt er að kafa á dýptina í efni um einstaka gripi. Prentuð sýningarskrá er sömuleiðis vönduð og fagurlega hönnuð.

Minjasafnið á Akureyri

lógó minjasafnið akureyri

Byggingar á Brekkunni -Manngert menningarlandslag á Suðurbrekkunni á Akureyri

Í tilefni af alþjóðlega og íslenska safnadeginum býður Minjasafnið á Akureyri upp á byggingasögugöngu um menningarlandslag  á hluta Suðurbrekkunnar á Akureyri þar sem rýnt verður í skipulag og byggingar í nágrenni Menntaskólans á Akureyri.

Continue reading

Byggðasafn Árnesinga

Dulúð í Selvogi

Byggðasafn Árnesinga opnar sýninguna Dulúð í Selvogi í Húsinu á Eyrarbakka á alþjóðlega safnadeginum miðvikudaginn 18. maí 2016 kl. 18. Á sýningunni er fjallað um töfra Selvogs í munum, máli og myndum. Fjallað er um landið og fólkið en ýmsir merkir munir úr Selvogi fá að njóta sín. Sýningin er opin alla daga til 30. september.

Eyrargötu 50, Eyrarbakka s: 483 1504/483 1087   www.husid.com lydurp@husid.is