Hvað er FÍSOS?
Félag íslenskra safnmanna var stofnað árið 1981 í þeim tilgangi að efla samstarf og menntun þeirra sem starfa á lista-, minja- og náttúrufræðisöfnum á Íslandi. Á aðalfundi félagsins 12. september 2001 var nafni félagsins breytt í Félag íslenskra safna og safnmanna, sbr. lög félagsins.

Hver eru markmið FÍSOS?
Markmið félagsins eru fernskonar og bundin í lög félagsins; að efla samstarf og kynni milli safna og safnmanna, fjalla um safnamál, auka þekkingu og fræðslu á söfnum og safnstörfum og annast samskipti við safnmenn og hliðstæð samtök erlendis. Í öðru lagi að leitast við að tryggja réttindi og hagsmuni félagsmanna. Í þriðja lagi að halda Farskóla safnmanna þar sem starfsmenn safna fái starfsfræðslu og endurmenntun. Og í fjórða lagi að gefa út fréttabréf. Þessum markmiðum er einnig reynt að ná með útgáfustarfsemi, fundahaldi, fyrirlestrum, námskeiðum og ferðalögum.

Fyrir hvern er félagið?
Félagar geta þeir orðið sem vinna fagleg störf við lista-, minja- og náttúrufræðisöfn og þeir sem lokið hafa námi í greinum sem nýtast í starfsemi slíkra safna.

Hvað gerir FÍSOS fyrir félagsmenn sína?
Félagið er vettvangur fyrir félagsmenn til að hittast, tjá skoðanir, aðstoða hver annan og styðja við safnastarf í landinu.

Hvernig kemst maður í  FÍSOS?
Umsókn um aðild skal senda ritara félagsins og skal tilgreina í umsókninni:
a) nafn
b) kennitölu
c) vinnustað
Einnig þarf að fylgja með menntunar- og starfsferilsskrá.
Sendu umsókn á jon.allansson@akranes.is.