Farskóli 2018 í Dublin


Farskóli safnmanna 2018 verður haldinn dagana 11. – 14. september í Dublin.

Wow ásamt Gaman ferðum munu sjá um að koma farskólanemum á áfangastað og gist verður á O’Callaghan Hotels í Dublin. Um er að ræða þrjú hótel: The Alex Hotel (A), The Davenport Hotel (B) sem eru 4 stjörnu hótel og The Mont Clare Hotel (C) sem er 3 stjörnu hótel. Öll hótelin eru einungis í um mínútu göngufæri hvert við annað. Gisting á hótelunum er ekki á sama verði og því biðjum við ykkur að kynna ykkur hótelin hér.

Síðasti dagur til að skrá sig í ferðina og greiða staðfestingargjald er 1. mars 2018.

Fjöldi þeirra sem komast í farskólann takmarkast við 120 manns og hafa félagsmenn FÍSOS forgang í ferðina. Er því frekar mælt með því að fólk framlengi ferðina og fái vini, maka eða aðra fjölskyldumeðlimi til Dublin að afloknum farskóladögum.

Hótel A eða B (4 stjörnu hótel)
Verð á mann í tvíbýli: 129.900 kr
Verð á mann í einbýli: 129.900 + 70.000 kr

Hótel C (3 stjörnu hótel)
Verð á mann í tvíbýli: 108.900 kr
Verð á mann í einbýli: 108.900kr + 49.000 kr.

Ekki er víst að hægt verði að koma til móts við allar óskir um gistingu en við munum gera okkar besta!

Innifalið í verði er flug með sköttum, 20 kg innritaður farangur, lítill handfarangur samkvæmt skilmálum WOW air, gisting í 3 nætur, morgunverður, akstur til og frá flugvelli, kynnisferð um Dublin á leið frá flugvelli auk árshátíðar (4 rétta máltíð, fordrykkur og dansiball – Drykki kaupir fólk sér svo sjálft með mat og eftir matinn).

Greiða þarf 35.000 kr staðfestingargjald í síðasta lagi 1. mars á reikninginn 0301-26-074634 (kt. 441089-2529). Staðfestingargjald fæst ekki endurgreitt.

Þeir sem vilja framlengja dvöl sinni í Dublin þurfa að tilgreina áætlaðan ferðadag um leið og skráning í Farskólann fer fram. Vinsamlegast hafið samband við Gaman ferðir (gudrun@gaman.is) fyrir 1. maí varðandi frekari breytingar. Hver og einn sér um að bóka hótel í auka nætur.

Hlökkum til að hitta ykkur í Dublin í haust!
Farskólanefndin